PEPELING
Bismilah abdi ngawitan
macakeun ieu nadoman
mugi janten kasaean
ulah janten kaawonan
maksadna ieu nadoman
ngemula kanu lalieun
hapunten ka nu can terang
abdi seja ngawartosan
eling-elng para istri
masing nyaah kana diri
tutup oratmah sing buni
eta teh parentah gusti
Katerangan tina qur’an
nutup orat kawajiban
pikeun istri anu islam
pameget ge teu kasingsal
oratna kapara istri
sadaya badan tutupan
dampal panangan jeung raray
etamah wios katinggal
upami nganggo raksukan
kaena sing serba lebar
teu kengeng ngapas keun badan
eta parentah pangeran
ayeuna tos akhir zaman
seueur istri kaleuwihan
nutup badan suka kahayang
nganggo acuk dapon nyangsang
istri dijaman kiwari
niru-niru ka lalaki
nganggo acuk mani nyeksi
narik birahi lalaki
teu saalit para santri
kabawa masa kiwari
kana aturan parantos lali
nutup orat henteu buni
taya hukum nu miwarang
nutup orat sakahayang
nganggo calana paspasan
z orat kapendekan
lamun pareng nganggo tudung
ngan ukur jadi hiasan
lamun pareng nganggo tudung
pedah erek pangaosan
sing hawatos kana badan
sing emut kana ancaman
jahanam teh tos ngantosan
mun uran tos di maotan
AHLI SUNAH
Kangjeung nabi tos
neragkeun
dina hadits tos
nerangkeun
umat islam akhir
zaman
janten 73 golongan
ari anu 72
ku alloh jeung ku
rosulna
teu di aku teu
ditarima
da bongan salah
tekadna
aria nu diakuna
ku alloh jeung ku
rosulna
hiji agama nu
mulya
sunah waljam’ah
namina
ari sunah waljama’ah
cicingna teu saga wayah
najan islam teu ngaku kabeh
islam jama’ah tetap misah
ciri islam waljama’ah
aqidahna henteu goyah
najan godaan manglimpah
batan nurut kajeun payah
UMAT ISLAM
umat islam akhir zaman
seueur anu kasasaran
ucap lampah patekadan
seueur pisan pamusyrikan
musyrik kufur pamurtadan
tos jadi kabiasaan
teu iyeuh jadi pikiran
matak ruksak kana iman
syahadat sok di ucapkeun
sholat oge dilakukeun
majarkeunteh cukup iman eujeung ngaku
kaislaman
najan laku teu napakan
kana aturan pangeran
teu gaduh rasa nyalahan
eta the pangajak setan
ari ngaku umat islam
ari lampah siga setan
mabok zinah perjudian
anu jadi pisdamelan
seueur ulama diancam
pedah ngajak lebet islam
dakuringmah enggeus iman da cukup islam
turunan
ulama dipika ngewa nerangkeun aturan hakna
ngajak sholat jeung zakatna
majar bosen ngadengena
seeur ajengan nerangkeun
kana hukum tipangeran
seueur anu ngabalieur
bongan jauh jeung kahayang
seueur ucap pagawean
teu sesuai jeung aturan
jiga hade sareng iman
padahalmah kasasaran
kana sholat ngahir-ngahir
majar pameng pidamelan
nyiar dunya seseepan
sholatna rek di qodoan
seeur parentah pangeran
anu kedah dilakonan
kalakah seeur alasan
majarkeun teh karepotan
eling-eling umat islam
sing eling kana aturan perintah alloh
lakonan
perintah setan singkahan
mun hirup hoyong salamet
iman urang mah sing kuat
perintah alloh sing taat
sanajan karaosna berat
al-qur’an tong dijauhan hadits ulah
disisihkeun
ayatna jadi bacaan
maknana geura lenyepan
hayu dulur urang tobat
meumpeung urang masih sempat
ibadah urang sing ningkat
meungpeung tacan kena maot
lagamna kmh tah?
BalasHapus